Эрик тен Ҳаг «Манчестер Юнайтед» Англия кубоги финалига «Ковентри»ни пеналтилар сериясида мағлуб этиб чиққанини танқид қилган ОАВни шармандали ҳолат деб атади.

«МЮ» яримфиналда 3:0 ҳисобида ғалаба қозона туриб, асосий вақтда «Ковентри» билан 3:3 ўйнади ва пеналтилар сериясида рақибни мағлуб этиб, финалга чиқди.

«МЮ»нинг финалга қандай чиққани шармандали ҳолатми? Йўқ, аслида бизнинг бу ғалабамизга сиз – ОАВнинг муносабати шармандалик, деган бўлардим. Топ-футболда муҳими – натижа. Биз финалга фақат бу ўйинда муносиб бўлганимиз учун эмас, бутун турнирдаги иштирокимиз орқали эришдик.

Фақатгина 20 дақиқада ўйин тизгинини қўлдан чиқардик ва 3:3 ҳисоби қайд этилди. Якунда эса омад бизга кулиб боқди. Пеналтилар сериясида эса ўз кучимизни кўрсатдик ва финалга чиқдик. Икки йилда икки марта финалга чиқиш – ажойиб натижа. Бу сўнгги 4 йиллик мураббийлик фаолиятимдаги 4-финал. Финалга қандай чиққанимизга матбуотдаги фикрлар, изоҳлар эса – шармандали ҳолат», - дейди «Манчестер Юнайтед» устози.

Маълумот учун, Англия кубоги финалида Манчестер дербиси кузатилади. Финал 25 май куни бўлиб ўтади.