АПЛнинг беш карра чемпионлари Энди Коул («Манчестер Юнайтед» собиқ ҳужумчиси) ва Жон Терри («Челси» собиқ ҳимоячиси) лиганинг шон-шуҳрат залига киритилди.
Улар мухлислар ва Премер-лига мукофотлар қўмитаси аъзоларининг овозлари билан 15 нафар собиқ футболчи орасидан танлаб олинди.
Шон-шуҳрат залига 1992 йилда ташкил этилган АПЛда ажойиб муваффақиятларга эришган ва Премер-лига ривожига катта ҳисса қўшган шахслар киритилмоқда. Ҳозирча уларнинг сони 24 нафарга етди. 2021 йилдан бери Алан Ширер, Терри Анри, Эрик Кантона, Рой Кин, Фрэнк Лэмпард, Деннис Бергкамп, Стивен Жеррард, Дэвид Бекҳэм, Пол Скоулз, Дидие Дрогба, Венсан Компани, Серхио Агуэро, Патрик Виейра, Уэйн Руни, Иан Райт, Петер Шмейхел, Эшли Коул, Алекс Фергюсон ва Арсен Венгер кабилар қўшилди.