«Арсенал» бош мураббийи Микел Артета ЕЧЛ 1/4 финалидан ўрин олган «Бавария» (0:1, биринчи ўйин — 2:2) билан баҳсдан сўнг ўз фикрларини билдирди. 

«Ҳозир кийиниш хонасида умидсизлик муҳити ҳукмрон. Жамоани рағбатлантириш учун тўғри сўзларни топа олмаяпман, лекин буни хоҳлайман.

Катта тажрибага эга жамоани мағлуб этишга ҳаракат қилдик. Жамоалар ўртасидаги фарқ жуда кичик эди. Баъзи дақиқаларда биз яхшироқ эдик, лекин рақибга 2 та гол уришга имкон бердик — бу катта устунлик.

Бугун хатога ўрин йўқ эди, аммо жарима майдончасини ҳимоялашда катта хатога йўл қўйдик ва тўп ўтказиб юбордик. Шундан сўнг кўп ҳаракат қилдик, аммо қийин бўлди.

Энди ўйинчиларга яқин бўлишимиз ва уларни қўллаб-қувватлашимиз керак, чунки улар туфайли бу юриш содир бўлди.

Рақибнинг хатолари ёки мўжизалар бу қарама-қаршиликда устун келиш учун етарли эмасди. Ғалаба қозонолмадик, лекин буни уддалай олардик. 

Клубимиз 7 йил давомида Чемпионлар Лигасидан қуруқ қолганди. Аввал бу босқичга келишни, кейин яримфиналга, сўнг финалга чиқишни хоҳлайсан. Ҳаммамиз буни жуда хоҳлаймиз, лекин кўп жамоалар учун бунга 6-7 йил керак. Бироқ биз жуда яқин эдик», — дея испаниялик мутахассиснинг сўзларини келтиради TNT Sports.