Луис Энрике «ПСЖ» ва «Барселона» ўртасидаги иккинчи ўйин олдидан ўз фикрларини билдирди. 

Биринчи ўйин каталонияликларнинг 3:2 ҳисобида меҳмондаги ғалабаси билан якунланганди. Жавоб беллашуви 16 апрелдан 17 апрелга ўтар кечаси 00:00да бошланади. 

«Иккинчи ўйин бироз бошқача бўлади. Биринчи баҳсдан кейин бошқа ўйинларимиз йўқ эди, шунинг учун таҳлил қилиб ўйинимизни яхшилашга улгурдик.

Дастлабки ўйин оғир кечди ва натижа биз лойиқ бўлганимизни акс эттирмайди. Ҳисобни тенглаштиришимиз мумкин эди. Лекин натижа шундай бўлди ва энди биз энг яхши ҳолатимизни кўрсатишимиз керак. Вазиятни ўзгартиришимизга ишончимиз комил.

Биз 27 ўйинда мағлуб бўлмадик ва бу серия тугашини умуман хоҳламагандик. Бирлашишимиз ва яхшиланишимиз керак. Мағлубиятга ортиқча қайғурмай, уни қабул қилиш ва жавоб баҳсида яхши ўйнашга тайёргарлик кўриш керак. Мухлисларимизни хурсанд қилмоқчимиз», — дея парижликлар устозининг сўзларини келтиради RMC Sport.