«Боруссия Д» ҳужумчиси Себастиан Аллер «Атлетико»га қарши жавоб ўйинида майдонга тушмайди.

29 ёшли ҳужумчи тўпиғидан олган жароҳати туфайли мавсумнинг қолган қисмини ўтказиб юбориши мумкин, дея хабар беради журналист Патрик Бергер.

Ивуарлик футболчи душанба куни яна бир текширувдан ўтади. Сешанба куни Чемпионлар Лигасининг 1/4 финалидан ўрин олган «Боруссия Д» ва «Атлетико» ўртасидаги жавоб беллашуви бўлиб ўтади.

Мадриддаги биринчи ўйинда испан клуби 2:1 ҳисобида ғалаба қозонган, немис жамоасининг ягона голига Аллер муаллифлик қилганди.