Кингсли Коман Англия ва Испанияда ўйнамоқчи.

27 ёшли вингернинг «Бавария» билан шартномаси 2027 йилгача мўлжалланган.

Bild хабарига кўра, франциялик футболчи яқин орада клубини ўзгартиришга қарши эмас. У Англия ёки Испанияга кўчиб ўтишни ўйламоқда.

8 карра Германия, 2 мартадан Франция («ПСЖ»да) ва Италия («Ювентус»да) чемпиони бўлган футболчи Премер-лига ҳамда Ла Лигани ҳам ютмоқчи. 

Бундеслиганинг ушбу мавсумида Коман 16 ўйин ўтказиб, 3 тадан гол ва ассистни ўз ҳисобига ёздириб қўйди.