«Барселона» бош мураббийи Хави ЕЧЛ 1/4 финалидан ўрин олган «ПСЖ»га (3:2) қарши ўйиндан сўнг ўз фикрлари билан ўртоқлашди. 

«Жамоа билан ғурурланаман. Фахрланиш вақти келди. Бу — муҳим ғалаба, албатта. Чемпионлар Лигасида меҳмонда ғалаба қозониш — жиддий ютуқ.

«ПСЖ» ҳамон фаворит бўлиб қолмоқда. Биз уларга ўз ўйинини тўлиқ ўтказишига имкон бермадик ва қанотларга ўтишга мажбур қилдик. Босим яхши ва жуда юқори эди, айниқса, биринчи бўлимда. Бу жамоага қарши ҳимояланиш жуда қийин, аммо биз ажойиб ишладик.

Кубарси олдинга ўтиб, ўз ҳудудида бўлган ҳар қандай рақибни ёпди ёки ҳудудимиздан суриб чиқарди. Педри ҳам чиқиб, бизга ёрдам берди. Кристенсен эса бурчакдан тўп киритиб, бизга ёрдам берди.

Футболчилар ишонишади. Агар шундай ўйнашда давом этсак, яримфиналга чиқиш имкониятимиз бўлади. Лекин ҳали ҳеч нарса ҳал қилинмади. 

Жамоанинг ишидан мамнунман, бундан фахрланаман, лекин Барселонада бизга қийин бўлади. Лекин ҳа, биз «Барса»ни тирик деб айта оламиз», — дея Хавининг сўзларини келтиради Marca.