«ПСЖ» бош мураббийи Луис Энрике ЕЧЛ 1/4 финалидан ўрин олган «Барселона» (2:3) билан ўйиндан кейин ўз фикрларини билдирди. 

«Мағлуб бўлишни хоҳламадик. Бу кўриниб турганди. Бизда яхши лаҳзалар бўлди. 0:1да рақиблар тўпни йўқотмагани ва жуда яхши ўйнаётгани учун бизда шубҳа бор эди. Иккинчи бўлимда ўйинни ўзгартира олдик, аммо улар учинчи голни уришди. Яхши жамоага қарши турдик, иккинчи бўлимда катта босим ўтказдик, аммо рақиб ҳам ажойиб ўйнади. 

Кейинги ўйинни финал сифатида қабул қилиш керак. Яхшиланишимиз ва ўз устимизда ишлашимиз керак, албатта.

Бу чоракфиналда кўплаб голлар урилди. Бу даражада ҳар бир жамоа топ. Бизда учинчи гол уриш учун имконият бўлди, аммо тўп дарвоза тўсинига тегди.

Ғалаба қозонишга қодир эканлигимизга шубҳам йўқ. Айтайлик, чемпионатда ҳали меҳмонда мағлуб бўлганимиз йўқ. Биз одатдагидек тайёргарлик кўрамиз ва Барселонага ишонч билан учамиз», — дея Энрикенинг сўзларини келтиради RMC Sport.