Пеп Гвардиола «Реал» устози Карло Анчелоттининг мураббийлик фазилатлари ҳақида гапирди.

Чемпионлар Лигасининг чоракфиналида «Манчестер Сити» Мадрид клуби билан (9 ва 17 апрел) тўқнаш келади.

«Сиз яхши мураббий бўлиш нимани англатишини тушунмайсиз. Мураббийнинг фазилатлари фақат тактикага боғлиқ эмас. Миллионлаб омиллар бор. 

Мен ҳеч қачон Анчелоттини тактик жиҳатдан ёмон мураббий демайман.

Агар Карло ёмон мураббий бўлса, Андреа Пирло ёки Тони Кроосни таянч яримҳимоячи позициясига қўймасди ва Беллингҳэмни бошқа позицияга мослаштира олмасди. Биз Манчестерда буни тушунамиз», — дейди «шаҳарликлар» устози.