Микел Артета «Бавария»га қарши ўйин олдидан «Байер» устози Хаби Алонсо билан гаплашганми ёки йўқлиги борасидаги саволга жавоб берди. Икки мураббий болаликда «Реал Сосиедад» академиясида бирга тарбияланишган. 

– Хаби Алонсо билан «Бавария»ни қандай мағлуб этиш ҳақида гаплашдингизми?

— Ажойиб савол, лекин мен жавоб бермайман.

— «Бавария»га қарши плей-оффдаги қийинчиликлар ҳақида нима дейсиз?

— Бу менинг фикрим эмас. Биз буни назорат қила олмаймиз. Лекин биз ҳар доим ҳар қандай рақибдан энг яхши ўйинни кутамиз. Бу «Бавария» бўладими, «Брайтон» ёки «Астон Вилла» — фарқи йўқ. Ҳар доим рақибдан энг яхши ўйинини кутасиз», — деди «тўпчилар» бош мураббийи.

«Арсенал» ва «Бавария» 9 апрел куни Чемпионлар Лигасининг чоракфиналида ўйнайди.