Тео Уолкотт «Астон Вилла» (4:1) билан ўйинда ҳет-трикка эришган «Манчестер Сити» яримҳимоячиси Фил Фоденни мақтади. 

«Фоден Бернарду Силва, Давид Силва, Пеп Гвардиола, Кевин Де Брюйнедан ўрганди... Айни дамда у 23 ёшида Премер-лиганинг энг яхши ўйинчиларидан бири. У 30 ёшли футболчидек ўйнайди — унинг ҳаракатлари жуда ақлли.

Фил — ажойиб истеъдод эгаси. Манчестерда ўсиб-улғайгани ва ўша ерда академияни тамомлаганидан буларнинг барчаси унинг учун катта аҳамиятга эга», — деди Англия миллий жамоаси собиқ футболчиси.