Қиличбозликда Париж-2024 ёзги Олимпия ўйинлари учун рейтинг очколарини жамғариш даври расман якунланди. Сабля бўйича Ўзбекистон миллий жамоаси аъзоси Зайнаб Дайибекова ушбу рейтинг орқали тўғридан тўғри йўлланмага эга чиқди. 

Зайнаб ўз фаолиятида иккинчи бор 4 йилликнинг энг нуфузли мусобақасида иштирок этади. 

Қолган йўналишлардаги ўзбекистонлик қиличбозлар 27-28 апрел кунлари БААнинг Фужайра шаҳрида ўтадиган турнир орқали йўлланма олишга ҳаракат қилишади. 

Шу тариқа Ўзбекистон делегациясининг Париж-2024 учун қўлга киритган лицензиялари 26 тага етди.