«Сеул» бош мураббийи Ким Ки Донг жамоа яримҳимоячиси Жесси Лингарднинг ўйинини танқид қилди.

Феврал ойида «МЮ»нинг собиқ футболчиси Корея клуби билан 2 йиллик шартнома имзолаганди. У «Канвон»га қарши сўнгги баҳсда қайдномага киритилмади. 

«Мен Жессини жамоадан четлатиш ҳақида кўп ўйладим. Бир неча дақиқа югура олмайдиган киши футболчи эмас.

У курашмаса ва ишламаса, 90 дақиқа югурадиган футболчидан нимаси устун? Агар сиз номлар билан футбол ўйнамоқчи бўлсангиз, фаолиятини якунлаган ўйинчиларни олганингиз маъқул эмасми?» – деди мураббий IS Plus'га берган интервюсида.

Жанубий Корея чемпионатининг ушбу мавсумида Лингард 3 та ўйинда майдонга тушди, аммо гол ва ассист қайд этмади.