«Реал» бош мураббийи Карло Анчелотти «Манчестер Сити» устози Пеп Гвардиоланинг тақвимдан норозилигига муносабат билдирди.

«Манчестер Сити» мураббийи «Реал»га қарши ўйин олдидан Ла Лига Мадрид клубининг ЕЧЛ баҳсига 9 кун тайёргарлик кўришига имкон яратгани, «Сити» эса ҳар 3 кунда ўз ўйинини ўтказаётганидан нолиганди.

«Футбол шунақа. Албатта, «Сити»га қарши Чемпионлар лигаси доирасидаги ўйинимизга 9 кун тайёргарлик кўра олишимиздан жуда мамнунман.

Ҳа, бу борада бизда кичик устунлик бор. Аммо бу бўлажак ўйинга таъсир қилмайди. Биз 9 кун давомида имконқадар яхшироқ тайёргарлик кўришга интиламиз», - дейди Анчелотти.

Маълумот учун, «Реал» ва «Манчестер Сити» ўртасидаги ЕЧЛ 1/4 финал доирасидаги биринчи баҳс 9 апрел куни Мадридда бўлиб ўтади.