«Манчестер Сити» бош мураббийи Пеп Гвардиола «Реал»га қарши Чемпионлар Лигаси 1/4 финали олдидан жамоасининг тиғиз тақвимидан норозилигини билдирди.

«Биз 3 апрел тунда «Астон Вилла» билан, кейин 6 апрел шанба куни соат 16:30да «Кристал Пэлас» майдонида ўйнаймиз! Шундан сўнг сешанба куни Мадридга борамиз. «Реал» эса 9 кун тайёрланади, 9 кун! 

Оҳ, менга яна бир кун беринг, чунки фарқ жуда катта. Имконият йўқ.

Мен ўз клубимни ҳимоя қиляпман. Ҳар 3 кунда ўйнаймиз. Бошқа бир ҳеч бир жамоа бизникидек вазиятда эмас. Бизда доим тикланишга кам вақт бўлади. Ҳеч ким бу ҳақида ўйламайди. Францияда «ПСЖ» ЕЧЛдан олдинги ҳафта ўртасида ўйнамайди, Португалия клублари еврокубок олдидан лигадаги ўйинларини жума куни ўтказишади», — дея испаниялик мутахассиснинг сўзларини келтиради сўзларини келтиради Романо. 

Маълумот учун, жамоалар ўртасидаги илк ўйин 9 апрел куни Мадридда, жавоб баҳси 17 апрел санасида Манчестерда бўлиб ўтади.