Ла Лига расмий сайти март ойи якунларига кўра, ойнинг энг яхши ўйинчиси номини эълон қилди.

Унга кўра, «Реал» ҳужумчиси Винисиус Жуниор Испания чемпионатида март ойининг тенгсиз ўйинчиси деб топилди. Бразилиялик вингер март ойида 3 ўйинда 5та гол муаллифига айланди. У «Валенсия» (2та гол), «Селта» (1) ва «Осасуна»га (2) қарши баҳсларда гол урди.

Винисиус овоз бериш жараёнида Роберт Левандовски («Барселона»), Браис Мендес («Реал Соседад»), Александр Серлот («Вильярреал») ва Горка Гурусета («Атлетик») сингари даъвогарларни ортда қолдирди.