«Манчестер Юнайтед»нинг камерунлик дарвозабони Андре Онана кимнинг ўйинларидан илҳомланганини айтди. 

«Замонавий дарвозабон бўлишни истасангиз, бошқа посбонларни кузатишингиз керак. Агар футболни идрок этишимга катта таъсир кўрсатган бир ўйинчини танлашим керак бўлса, Мануэл Нойерни айтган бўлардим. Бу унинг ўйин услуби билан боғлиқ. 

2014 йилда Германия чемпион бўлганида, Нойер мундиалда қандай ўйнаганини эслайман. Ўша турнирни кўриб, унга ўхшашни хоҳлаётганимни англадим. Бу мени футболга бошқача қарашга мажбур қилди. Назаримда, у — кўпчиликнинг кумири», — дейди Онана. 

Эслатиб ўтамиз, Андре 2023 йил июл ойида 50,2 млн евро эвазига «Интер»дан «Манчестер Юнайтед»га ўтганди. Бу мавсумда дарвозабон манкунианликлар сафида 39 та ўйин ўтказиб, 60 та гол ўтказиб юборди.