Лионель Месси жароҳат сабабли МЛС доирасидаги навбатдаги икки учрашувда «Интер Майами»га ёрдам бера олмайди.

Аргентиналик ҳужумчи жароҳати сабабли мамлакат миллий жамоасига чақирилмади.

Olé хабарига кўра, Месси «Интер Майами»нинг «Нью-Йорк Ред Буллс» (23 март) ва «Нью-Йорк Сити»га (31 март) қарши ўтадиган баҳсларини ўтказиб юборади.

Қайд этилишича, Месси «Интер Майами»нинг «Монтеррей»га қарши КОНКАКАФ чемпионлари кубоги доирасидаги 3 апрел кунги баҳсигача сафга қайтади.

Маълумот учун, Месси жорий мавсум клуби сафида 5 ўйинда 5та гол ва 2та ассист қайд этган.