«Салернитана» яна бош мураббийини алмаштирди.

А Серия клуби 11 февралдан буён жамоада ишлаб келаётган Фабио Ливерани истеъфога чиқарилганини эълон қилди. Унинг ўрнини Стефано Колантуоно эгаллади.

Колантуоно «Салернитана»нинг ушбу мавсумдаги тўртинчи мураббийига айланди — аввалроқ жамоани Паулу Соуза, Филиппо Индзаги ва Фабио Ливерани бошқарган. 

Стефано бу клубда 2017-2018 ва 2021-2022 йилларда ҳам ишлаган.

29-турдан сўнг «Салернитана» Италия чемпионатида охирги, 20-ўринни эгаллаб турибди. 14 очкоси бор жамоа 17-поғонадаги «Эмполи»дан 11 очкога ортда қолмоқда.