«Реал» дарвозабони Тибо Куртуа яна жароҳат олди.

Мавсум стартида хочсимон пайлари узилиши оқибатида 8 ойга сафдан чиққан белгиялик дарвозабон тикланиш жараёнини ўтказаётган ва яқин орада сафга қайтиши кутилганди. Аммо у бугун Мадрид клубининг машғулотлари пайтида ўнг тиззасидан навбатдаги жиддий жароҳат олган.

Marca нашри хабарига кўра, 31 ёшли белгиялик дарвозабон машғулотларни кўзда ёш билан тарк этган. У жорий мавсум клуби сафида бошқа майдонга туша олмаслиги айтилмоқда.

The Athletic нашри журналисти Марио Кортегана дарвозабоннинг тахминан 6-7 ҳафтага сафдан чиққанини ёзган.

Куртуа ўзининг охирги расмий учрашувини 17 июнда – миллий жамоа сафида ўтказганди.