«Волфсбург» раҳбарияти Ралф Ҳазенҳюттлни бош мураббий этиб тайинлаганини эълон қилди.

Австриялик мутахассис истеъфога чиқарилган Нико Ковач ўрнини эгаллади ва узоқ муддатли шартнома имзолади.

Ҳазенҳюттлнинг сўнгги клуби «Саутҳэмптон» бўлган. У инглиз клубини 2018 йилдан 2022 йилгача бошқарган.

Австриялик мураббийга Бундеслига бегона эмас. У 2016/17 йилги мавсумда «Лейпциг»да ишлаган ва жамоа билан чемпионатда 2-ўринни эгаллаган. 

26-турдан сўнг «Волфсбург» Бундеслигада 25 очко билан 14-ўринни эгаллаб турибди. «Бўрилар» 2024 йилда ўтказилган 10 та ўйиннинг бирортасида ҳам ғалаба қозона олмади.