«Барселона» бош мураббийи Хави Ла Лига 29-туридан ўрин олган «Атлетико»га (3:0) қарши ўйиндан сўнг ўз фикрлари билан ўртоқлашди. 

«Эҳтимол, «Барселона»нинг энг идеал ўйини. Бу «Наполи» билан баҳсга ўхшарди.

Ўйинни яхши тушундик, Левандовски жуда фаол эди, Фермин, Жоау... Бўш ҳудудларга яхши ҳужумлар қилдик. Бу — бизнинг методология ва фалсафамиз нуқтайи назаридан идеал ўйин. 

Биз «Барселона»миз, бу ерда ҳеч бўшашмайди. Футболчиларга ҳар қачонгидан ҳам кўпроқ босим ўтказаман. Айниқса, мавсум охирида кетаётганим сабабли. 

Яхшиланишга ва энг муҳим икки соврин учун курашишга ҳаракат қиламиз. Футболчиларга туртки бериб, улардан кўпроқ талаб қилишимиз керак», — дея каталонияликлар устозининг сўзларини келтиради Marca.