Пауло Дибала жароҳат олди.

Sky Sport журналисти Анжело Манжантенинг маълум қилишича, аргентиналик футболчига ўнг сон мушаклари шикастланиши ташхиси қўйилган.

Шу тариқа 30 ёшли яримҳимоячи А Серия 29-тури доирасида «Сассуоло»га қарши ўйинда иштирок этмайди. Шунингдек, у Аргентинанинг март ойидаги Салвадор ва Коста-Рика билан ўртоқлик баҳсларини ҳам ўтказиб юборади.

Манбага кўра, Дибала тахминан 10 кун майдонга туша олмайди.

А Сериянинг ушбу мавсумида футболчи 20 та ўйин ўтказиб, 12 та гол урди ва 7 та голли узатмани амалга оширди.