Ўзбекистон U23 жамоасининг март ойидаги ўқув-машғулот йиғини учун таклиф олган футболчилар рўйхати эълон қилинди.

ЎФА матбуот хизмати хабарига кўра, Ўзбекистон олимпия жамоаси март ойидаги ФИФА кунларида Қатарда ўқув-машғулот йиғинини ўтказади. Темур Кападзе шогирдлари Доҳада Қатар олимпия жамоасига қарши ўртоқлик ўйинларида майдонга тушади. Баҳслар 23 ва 26 март кунлари ўтказилади.

Маълумот учун, Париж-2024 йўлланмалари ўйналадиган Осиё кубоги U23 турнири 15 апрел-3 май кунлари Қатарда бўлиб ўтади. Ўзбекистон олимпия жамоаси «D» гуруҳида Ветнам, Кувайт ва Малайзияга қарши ўйнайди.