Германия миллий жамоасининг ўртоқлик ўйинлар учун таркиби маълум бўлди.

Бош мураббий Юлиан Нагелсманн Франция (23 март) ва Нидерландияга (26 март) қарши баҳсларга 26 нафар футболчини жалб этди. 

Таркибда миллий жамоадан илк бор таклиф олган 6 футболчи бор: Антон Валдемар, Максимилиан Миттелштедт, Денис Ундав (барчаси — «Штутгарт»), Максимилиан Байер («Ҳоффенҳайм»), Ян-Никлас Бесте («Ҳайденҳайм») ва Александр Павлович («Бавария»). Юқоридагилар ичида ҳимоячи Валдемар Ўзбекистонда — Олмалиқда туғилган. 

Бундан ташқари 2021 йилда миллий жамоадаги фаолиятини якунлашини эълон қилган Тони Кроос («Реал») қайтди.

Шунингдек, Мануэл Нойер («Бавария»), Крис Фюрих («Штутгарт»), Робин Кох («Айнтрахт»), Бернд Лено («Фулҳэм») ва Жамол Мусиала («Бавария») ҳам жамоага қайтишди. Улар турли сабабларга кўра аввалги йиғинларни ўтказиб юборишганди.