«Алмерия» янги бош мураббий тайинлаганини эълон қилди.

Октябр ойидан бошлаб ишлаган Гаиска Гаритано ўрнига Пепе Мел келди. 61 ёшли мутахассиснинг шартномаси ушбу мавсум охиригача тузилган.

Мелнинг охирги иш жойи Грециянинг ОФИ жамоаси эди. У «Бетис», «Лас Палмас», «Хетафе» каби клубларни ҳам бошқарган.

Ла Лигада 28-турдан кейин «Алмерия» 10 очко билан сўнгги ўринни эгаллаб турибди. Жамоа 18 та ўйиндан бери ғалаба нималигини билмаяпти.