Москванинг ЦСКА клуби Тошкентнинг «Бунёдкор» клубига қарши майдонга тушишини маълум қилди.

Клуб расмий сайти хабарига кўра, ЦСКА 22 март куни Москвадаги «ВЭБ Арена»да «Бунёдкор»га қарши ўртоқлик учрашуви ўтказади. Баҳс Москва вақти билан соат 19:00да бошланади.

Маълумот учун, ЦСКА РПЛ 2023/24 йилги мавсумида 4-ўринни эгаллаб турибди. «Бунёдкор» эса Суперлигада икки ўйинда ҳам мағлуб бўлиб, сўнгги поғоналарда бормоқда.

Эслатиб ўтамиз, Аббосбек Файзуллаев Москва жамоаси шарафини ҳимоя қилаётган бўлса-да, у ушбу баҳсдан олдин Ўзбекистон миллий жамоасининг йиғинида иштирок этиш учун Тошкентга келиши белгиланган.