«Манчестер Сити» бош мураббийи Пеп Гвардиола «Ливерпул» билан ўйиндан (1:1) сўнг рақиб устози Юрген Клопп ҳақида гапирди. 

Эслатиб ўтамиз, германиялик мутахассис мавсум якунида Мерсисайд клубини тарк этишини маълум қилган. 

«Ливерпул»ни қадрлашимиз керак. Юрген ақл бовар қилмайдиган нарсага эришганини яна бир бор тасдиқлади. Бу ерга келиб ғалаба қозониш қанчалик қийинлигини биламан. Футболчилар борларини беришди. Мен рақибга тўғри баҳо бераман ва бир очкони қабул қиламан.

10-15 дақиқалик ҳақиқий цунами кутаётганини билардик — ундан омон қолишимиз керак эди.

Ғалаба қозонишни хоҳладик, лекин мағлуб бўлишимиз ҳам мумкин эди. 

Клоппга қарши охирги ўйиним бўлишим мумкинми? У қайтади! Юрген бу ишни жуда яхши кўради. Яна нима дейишим мумкин? У жамоамни кучайтирди, мени кучлироқ мураббий қилди. Тезроқ қайтишини тилайман, футболга бундай шахслар керак», — дея Гвардиоланинг сўзларини келтиради ВВС.