«Арсенал» бош мураббийи Микел Артета АПЛ 28-туридан ўрин олган «Брентфорд»га (2:1) қарши ўйиндан сўнг ўз фикрлари билан ўртоқлашди. 

«Ўйин ва натижадан, бунга қандай эришганимиздан жуда мамнунман. Эмоционал назоратга эга жамоага қарши ўйнадик ва жасорат кўрсатиб, мукофотландик.

1:0 ҳисоби билан ўйин бутунлай бошқача бўлиши мумкин эди, аммо ўтказиб юборган голимиз туфайли шундай ўйнашга мажбур бўлдик ва якунда ғалаба қозонишга ҳақли эдик.

Бу стадионнинг энг яхши томони хатолардан кейин қўллаб-қувватлашдир. Енгиб ўтишимиз керак бўлган баъзи қийинчиликлар бор эди ва буни уддалай олишимизга амин эдик.

Етакчига айланишдан кўра характеримиз — биз кўрсатган руҳ кўпроқ хурсанд қилди. 

Энди ажойиб футбол баҳсларини томоша қилиш учун дам олиш куни бор. Ушбу лиганинг ва биз эришмоқчи бўлган ўзига хос нарсанинг бир қисми бўлганимдан хурсандман», — дея «тўпчилар» устозининг сўзларини келтиради ВВС.