«Насаф» клуби яримҳимоячиси Суҳроб Нуруллоев фаолиятини Малайзия чемпионатида давом эттирадиган бўлди.

«Кедаҳ Дарул Аман» клуби ўзбекистонлик 26 ёшли ҳужумкор яримҳимоячи билан бир йиллик шартнома имзоланганини эълон қилди.

Маълумот учун, Нуруллоев ОЧЛ 2023/24 мавсумида 6 ўйинда 2та голга муаллифлик қилган. Суперлига ўтган мавсумида эса 23 ўйинда майдонга тушиб, битта гол урган. Суҳроб «Насаф», «Динамо», «Металлург» клублари шарафини ҳимоя қилган.

Малайзиянинг ушбу жамоаси ўтган мавсум чемпионатда 4-ўринни эгаллаган.