«Бавария» ҳимоячиси Алфонсо Дэвиснинг манфаатларини ҳимоя қилувчи агент Недал Ҳуосеҳ мижозининг келажаги ҳақида гапирди.

«Бизда ҳеч қайси клуб билан аниқ келишув йўқ. Алфонсо ҳозир бор эътиборини «Бавария»га қаратган. Келажак учун барча вариантларни яқин ойларда кўриб чиқамиз», — дея агентнинг сўзларидан иқтибос келтиради журналист Фабрицио Романо. 

Аввалроқ ОАВда канадалик 23 ёшли футболчи «Реал» аъзосига айланиши мумкинлиги ва музокаралар якуний босқичда эканлиги ҳақида хабарлар тарқалганди. 

Дэвиснинг Мюнхен клуби билан амалдаги шартномаси 2025 йилнинг ёзигача амал қилади. Бу мавсумда у клуби сафида 28 та ўйинда майдонга тушиб, 1 та гол урди ва 3 та голли узатмани амалга оширди.