«Реал» бош мураббийи Карло Анчелотти жамоасининг ЕЧЛ 1/8 финалидаги «Лейпциг» (1:1, биринчи баҳс — 0:1) билан ўйинидан норози бўлди. 

«Ёмон ўйин. Кучсиз ўйнадик, ҳаракатларимизда шиддат етишмади, хавотирда эдик. Психологик омил кўп жиҳатдан ишимизни белгилаб берди.

Йўқотадиган нарсаси бўлмаган маҳоратли рақибга қарши ўйнадик. Бошиданоқ муаммоларга дуч келдик, қийналдик, лекин асосийси чоракфиналга чиқиш эди ва буни уддаладик.

Бу энг яхши оқшом эмасди. Албатта, мен айбдорман. Аммо муҳими, кейинги босқичга ўтдик. Шубҳасиз, яхшиланишимиз керак. Баъзида Чемпионлар Лигасида бундай ўйинлар содир бўлиши мумкин. «Челси» билан жавоб баҳсида (2022 йил 2:3) ҳам шундай бўлганди. Баъзан ёмон ўйин чиқиб кетишимизга олиб келади.

Вазиятни хотиржамлик билан баҳолашимиз керак. Бизда Ла Лигада 7 очколик фарқ бор, ЕЧЛда эса чоракфиналга чиқдик», — деди мадридликлар устози Movistar эфирида.