«ПСЖ» президенти ЕЧЛ 1/8 финалидан ўрин олган «Реал Сосиедад»га (2:1) қарши ўйинда дублга эришган Килиан Мбаппенинг келажаги ҳақида гапирди. 

«Мбаппенинг кетишини тасдиқлайманми? Агар клуб баёнот бермаган бўлса, мен ҳеч нима ҳақида хабар бермайман. У клубда, ишламоқда, биз билан шартномаси бор. Аммо келажакни кўзлаган ҳолда нимадир қуряпмиз!

Ўйлайманки, бугун жуда яхши ўйнадик. Юқори савияда ҳаракат қилдик. Ҳамма бир-бири учун ўйнади, биз шуни хоҳлаймиз! Ўзимиз билан фахрланамиз, келажакка қараб нимадир қуряпмиз. Жамоанинг ҳамжиҳатликда ўйнашини ва мураббий истаганини амалга ошираётганини кўрдим.

Мбаппе алмаштириб бўлмас ўйинчими? У — дунёдаги энг яхшиларидан бири. Лекин бутун жамоа жуда яхши ўйнади. У 2та гол урди, мен учун у — дунёнинг энг яхши футболчиси, аммо ҳамма ажойиб ўйнади. Келажак учун жамоа қурмоқчимиз, мураббий ҳам шуни хоҳлайди», — деди Носир Ал Хилайфий Canal+ эфирида.