Жуд Беллингҳем Ла Лиганинг икки ўйинига дисквалификация қилинди.

Англиялик хавбек «Валенсия»га қарши учрашувнинг (2:2) 90+9-дақиқасидаги голи инобатга олинмагач, бош ҳакам Хесус Хил Мансано билан очиқча тортишувга киришгач, қизил карточкага лойиқ кўрилганди.

Учрашув қайдномасига ҳакам Беллингҳемнинг четлатилишига асос сифатида футболчи томонидан тажовузкор ҳолатда айтилган «Жин урсин, бу гол!» гапини киритган.

Relevo хабарига кўра, мусобақа тартиб-интизом қўмитаси «ҳакамларга нисбатан қўпол муносабат» учун Жудни 2 учрашувга дисквалификация қилган. Шунингдек, футболчи 600 евро, клуб эса 700 евро миқдорда жарима тўлайди. Мадрид клуби ушбу қарор бўйича шикоят аризасини киритиб, Беллингҳемнинг дисквалификациясини бекор қилмоқчи.

Шу тариқа, Жуд «Селта» ва «Осасуна»га қарши учрашувни ўтказиб юборади.