Бугун, 5 март куни Испания ва Германиядаги учрашув билан Чемпионлар лигаси 1/8 финал жавоб ўйинларига старт берилади. Сешанба оқшомида чоракфиналнинг дастлабки икки иштирокчиси номи маълум бўлади.
«Пари Сен-Жермен» Франциядаги дастлабки тўқнашувда «Реал Сосиедад»ни икки тўп фарқи билан мағлубиятга учратди. Шу боис, Испаниядаги ўйинга сезиларли устунлик билан боради. Қолаверса, Сан-Себастиян клуби ички чемпионат ва кубок баҳслари доирасидаги сўнгги 8 ўйинда фақат бир марта ғалаба қозонганини инобатга олсак, «ПСЖ» билан биринчи ўйиндаги фарқни йўққа чиқариш жуда қийинлигини сезиш мумкин.
Яна бир ўйин Мюнхенда ўтиб, бу баҳс Томас Тухел учун яна бир жиддий синовга айланиши кутилмоқда. «Бавария» Бундеслигада чемпионликни деярли қўлдан чиқарди ва Чемпионлар лигасини ҳам тарк этса, бош мураббий билан хайрлашиш учун ёзни кутиб ўтирмаслиги мумкин. Римдаги баҳсда Маурицио Сарри шогирдлари «Бавария»ни мағлуб этишди, энди эса Мюнхен клуби мухлислар қаршисида икки тўп фарқида ғалаба қозониши талаб этилади. Минимал ҳисобдаги устунлик эса баҳснинг пеналтилар сериясигача давом этишини таъминлайди. Мухлисларни шиддатли баҳс кутиб тургани аниқ.
ЕЧЛ. 1/8 финал. Жавоб ўйинлари
5 март (сешанба)
«Реал Сосиедад» - «Пари Сен-Жермен»
Ўйин бошланиш вақти: 01:00
ТВ-трансляция: Foreign Languages
«Реал Сосиедад»: Ремиро; Галан, Субельдия, ле Норман, Траоре; Мерино, Субименди, Мендес; Оярсабаль, Андре Силва, Кубо
Ўйнамайди: Элустондо (жароҳат), Одриосола (жароҳат), Карлос Фернандес (жароҳат)
«Пари Сен-Жермен»: Доннарумма; Ҳакими, Маркиньос, Бералдо, Эрнандес; Заир-Эмери, Витинья, Фабиан Руис; Дембеле, Мбаппе, Баркола
Ўйнамайди: Кимпембе (жароҳат), Шкриниар (жароҳат), Асенсио (жароҳат)
«Бавария» - «Лацио»
Ўйин бошланиш вақти: 01:00
ТВ-трансляция: Спорт
«Бавария»: Нойер; Киммих, Дайер, Ким Мин Чжэ, Дэвис; Павлович, Горецка; Тель, Мюллер, Мусиала; Кейн
Ўйнамайди: Упамекано (дисквалификация), Коман (жароҳат), Перец (жароҳат), Сарр (жароҳат)
«Лацио»: Проведел; Марушич, Хила, Романьоли, Хюсай; Гендузи, Весино, Луис Альберто; Исаксен, Иммобиле, Фелипе Андерсон
Ўйнамайди: Патрик (жароҳат).