Мишел Санчес «Жирона» Чемпионлар Лигасига чиқиш учун курашаётганини айтди.

Каталония клуби бош мураббийи Ла Лига 27-туридан ўрин олган «Маллорка» (0:1) билан ўйиндан сўнг ўз фикрларини билдирди. 

«Бизда кўп хатолар бўлди, ҳужумда тажовузкорлик етишмади. Қийин ўйин бўлди, шамол ҳам халақит берди, ўйнаш қийин эди.

Умуман олганда, баҳс шиддатли ўтди. Натижадан ранжидим, лекин жамоанинг фидойилигидан эмас.

Бизнинг тўғридан тўғри рақибларимиз «Атлетико» ва «Барса» эканлиги аниқ. Чемпионлар Лигасига йўл олиш учун курашни давом эттирамиз», — дея Мишелнинг сўзларини келтиради Marca. 

«Жирона» Ла Лигада 59 очко билан 2-ўринни эгаллаб турибди ва пешқадам «Реал»дан 7 очкога ортда қолмоқда. 3-ўриндаги «Барселона»да 58, 4-поғонадаги «Атлетико»да 55, 5-ўриндаги «Атлетик»да 50 очко бор.