«Манчестер Юнайтед» бош мураббийи Эрик тен Ҳаг АПЛ 27-туридан ўрин олган «Манчестер Сити» (1:3) билан ўйиндан кейин ўз фикрларини билдирди. 

«Умуман олганда, яхши ўйнадик. 1:0 ҳисобида олдинга чиқиб олдик ва иккинчи голни уриш учун имкониятларга эга бўлдик.

Жуда яхши ҳимояландик ва иккита ҳал қилувчи лаҳза бўлдики, биз деярли муваффақиятга эришгандик, аммо кейин тўп ўтказиб юбордик.

Шундан сўнг умидсизлик юзага келди, буни қабул қилишимиз керак. Лекин бизда камида 1 очко олиш имконияти бор эди ва ғалаба қозониш ҳам мумкин эди.

Майдон марказини ва ўз жарима майдонимизни жуда яхши ёпдик. «Манчестер Сити» дарвозабони хато қилишига деярли эришдик, бироқ ўша ҳужумдан сўнг дарҳол тўп ўтказиб юбордик», — дея нидерландиялик мутахассиснинг сўзларини келтиради ВВС.