«Барселона» бош мураббийи Хави Ла Лига 27-туридан ўрин олган «Атлетик» (0:0) билан ўйиндан сўнг ўз фикрларини билдирди. 

«Яхши ўйин кўрсатдик, деб ўйламайман. Яхши ҳужум қила олмадик. Бугун олдинга қадам ташлашимиз керак эди, лекин ўзимизни кўрсата олмаганимиздан ҳафсаламиз пир бўлди. Бу ўйинда биздан кўпроқ нарса талаб қилинди. Бу — бой берилган имконият. Жамоа кўпроғини кўрсатиши мумкин эди.

Бу — ҳар томонлама қўлдан чиқарилган имконият: режа, кутилмалар ва жадвалдаги фарқни қисқартириш нуқтайи назаридан. Муваффақиятсизликка учрадик. Ўзимизни танқид қилишимиз ва боримизча ўйнамаганимизни тушунишимиз керак.

Икки муҳим футболчининг жароҳат олгани ачинарли. Улар унчалик яхши кўринишмади. Бу йўқотишлар жамоага ўз таъсирини ўтказди. Ламин Ямал орқали вазиятлар яратдик, лекин умуман олганда ўйин биз кутгандек бўлмади.

Педри ва Френкининг жароҳатидан хафаман, улар бир нечта ўйинни ўтказиб юборишлари аниқ. Бугун қайғули кун», — дея каталонияликлар устозининг сўзларини келтиради Marca.