«Манчестер Сити» бош мураббийи Хосеп Гвардиола АПЛ 27-туридан ўрин олган «Манчестер Юнайтед»га (3:1) қарши ўйиндан сўнг ўз фикрлари билан ўртоқлашди. 

«Ғалаба қозонмаганимизда яхши бўлмасди, аммо натижа ўйинимизга мос тушди ва бу ажойиб.

Биз жуда яхши бошладик, лекин 7 дақиқадан сўнг ва биринчи узун пасдан кейин чизиқни ушлай олмадик. Биринчи бўлимда жуда хавотирда эдик. Умуман олганда, ўйин жуда яхши ўтди. 

«Манчестер Юнайтед» — қарши ҳужумларга қурилган жамоа. Шунинг учун уларга эҳтиёткорлик билан муносабатда бўлиш керак. Агар ҳужумда нотўғри позицияларни эгаллаб олганимизда, қарши ҳужум ва иккинчи гол учун имконият берган бўлардик. Кейин бизга янада қийин бўларди.

Чемпионатда ҳаммаси ўзимизга боғлиқ. «Ливерпул», «Арсенал», «Астон Вилла» ва бошқа даъвогарларни назорат қила олмаймиз, ўзимизга қарашимиз керак. Чоршанба, якшанба куни ғалаба қозониш учун ҳамма нарсани қилишимиз керак. Бу — афсонавий жамоа.

Уддалай оламизми? Билмайман. Бир йил аввалгидан кўпроқ очколаримиз бор. Фарқи шундаки, «Ливерпул» ўтган мавсумга қараганда анча кўп очкога эга. Рақиб шундай ўйин кўрсатса, фақат табриклаш мумкин, яна нима дейиш мумкин. Ўйиндан ўйинга ўтишда давом этамиз.

Фоден ҳар доим иқтидорли футболчи бўлган, аммо ҳозир у анча етук ва ўйинни, айниқса, ҳимояда яхшироқ тушунади. У ўртада, ўнгда, чапда ўйнай олади. Ўнг қанотдан вазиятлар яратади ва бурчакларни қисқартиради, чап қанотдан гол ура олади. Нима дейишим мумкин? Унинг қилаётган иш ҳажмини ҳисобга олсак, айни дамда Фил — Премер-лиганинг энг яхши футболчиси. У қойилмақом», — дея Гвардиоланинг сўзларини келтиради ВВС.