Роберт Левандовски мукаммал футболчи «йиғиш» челленжида иштирок этди. 

«Барселона» ҳужумчиси клуб миқёсида ёки миллий жамоада бирга ўйнаган шерикларидан энг яхши фазилатларни олиши керак эди.

Левандовски Ариен Роббеннинг чап оёғини танлади, аммо ўнг оёқ вакилини айтмади. 

Шунингдек, у Йозуа Киммихнинг менталитети, Артуро Видалнинг чидамлилиги ва Хаби Алонсонинг ўйин даражасини қайд этди.

Футбол заковатига келсак, полшалик форварднинг танлови Томас Мюллер бўлди. 

Левандовски 10 метрга энг тез югура оладиган ўйинчилар сифатида Пер-Эмерик Обамеянг ва Камил Гросицкийни айтди.