«Интер» бош мураббийи Симоне Индзаги А Серия 21-туридан ўрин олган «Аталанта»га (4:0) қарши қолдирилган баҳсдан сўнг ўз фикрлари билан ўртоқлашди. 

«Дастлабки 10-15 дақиқада «Аталанта» бизга катта босим ўтказди. Бу биз учун одатий старт эмасди, лекин кейин гол урдик, устунни нишонга олдик ва иккинчи бўлимга ёрқин ўйин билан ўтдик. 

Жамоа яхши ўйин кўрсатаётганини инкор этиб бўлмайди ва 2,5 йилдан бери шундай ҳаракат қилмоқда. Биз 5та совринни қўлга киритдик, Чемпионлар Лигаси финалида ўйнадик ва А Серияда пешқадамлик қиляпмиз. 

Январ ойида «Ювентус»дан бир бош устун бўлдик ва ўтган ой ичида фарқни оширдик. Бироқ эътиборсизлик қилинса, бу фарқ йўқолиши мумкин», — дея «нерадзурри» устозининг сўзларини келтиради Football Italia. 

«Интер» А Серия якунига 12та тур қолганида 12 очколик фарқ билан пешқадамлик қилмоқда.