Юрген Клопп «Ливерпул» таркибининг кенглиги ҳақида гапирди.

«Таркибимиз мавсум олдидан биз ўйлаганимиздан ҳам каттароқ бўлиб чиқди. Вазият шундай.

Мен кўп марта айтдим — ёш йигитларсиз ҳозирги ўрнимизда бўлмасдик. Турли турнирлардаги баҳслар сонини ҳисобга олсак, ҳамма ўйин амалиётига эга бўлди.

Шундай экан, мен таркибнинг кенглигидан мамнунман. Агар у янада кенгроқ бўлса, яхши бўларди. Лекин ҳозир бори шу», — деди мерсисайдликлар бош мураббийи.

26-турдан сўнг «қизиллар» Премер-лигада пешқадамлик қилмоқда ва 2-ўриндаги «Ман Сити»дан бир очко олдинда. Якшанба куни «Ливерпул» «Челси»ни мағлуб этиб (1:0) Англия Лига кубогини қўлга киритди.