«Манчестер Сити» бош мураббийи Хосеп Гвардиола Англия Кубоги 1/8 финалидан ўрин олган «Лутон»га (6:2) қарши ўйинда пента-трик қилган Эрлинг Ҳоланд ва 4та ассистни ўз ҳисобига ёздириб қўйган Кевин де Брюйнени эътироф этди. 

«Нима дейишим мумкин? Жуда-жуда яхши. Ҳоланд «ёндирмоқда» ва унинг Де Брюйне билан боғлами мукаммал эди. Жуда яхши ўйин бўлди ва биз чоракфиналга чиқдик.

Кевинга Эрлинг каби, Эрлингга эса Кевин каби футболчилар керак. Аммо қолган йигитларсиз биз бу ерда бўлмасдик. Ҳамманинг хизмати бор. 

«Уэмбли»га қайтиш учун яна битта ўйинимиз бор», — дея «шаҳарликлар» устозининг сўзларини келтиради ВВС.