Португалия миллий жамоаси яримҳимоячиси Рубен Невеш ёзги трансфер ойнасида Саудия Арабистонига кўчиб ўтгани ҳақида гапирди.

«Учта клубга ўтишга жуда яқин эдим, лекин бу амалга ошмай қолди. Бундан жуда хафа эдим ва «Ал-Ҳилол»га ўтишга қарор қилдим.

Ҳеч қандай исмларни айтмоқчи эмасман, лекин «Барселона» энг катта миш-мишлардан бири эди. Трансферим амалга ошишига яқин бўлган, «Арсенал» билан ҳам шундай. Кейин Англиядан ташқари яна бир клуб бор эди.

Келишувларнинг якунига етмай қолгани, амалга ошмай қолган трансферлардан чарчагандим ва «Ал-Ҳилол»дан тушган ажойиб таклифни бой беришни истамадим», - дейди Рубен Невеш.

Португалиялик футболчи 2023 йил ёзида «Вулверҳэмптон»дан Ар-Риёд клубига 47 миллион фунт эвазига ўтди. Футболчининг Саудия клубидаги йиллик маоши 18,5 миллион еврони ташкил этиши ҳақида хабарлар тарқалганди.

Ушбу мавсумда футболчи чемпионатда 20та ўйин ўтказиб, 1 та гол урди ва 6 та голли узатмани амалга оширди.