Килиан Мбаппенинг кичик укаси ҳам «Реал»га ўтиши мумкин.

RMC Sport хабарига кўра, Мбаппе ва унинг оиласи «Реал»дан 17 ёшли Этан Мбаппе билан ҳам шартнома имзолашни сўраган. Мадрид клуби Килиан билан эркин агент сифатида шартнома имзолаши боис, унинг укаси ҳам клубга ўтишига розилик билдирган.

Маълумот учун, Этан Мбаппе жорий мавсум Франция чемпионатида бор йўғи бир дақиқа тўп сурган. У 17-тур «Метц»га қарши баҳсда (3:1) 90-дақиқада майдонга тушганди. 

Шунингдек, у УЕФА Ёшлар Лигасида 6та ўйин ўтказди ва «ПСЖ»нинг кубок ўйинларида икки марта захирадан майдонга тушди.