Эрон Про лигаси 18-тури доирасидаги марказий учрашув якунига етди.

Пешқадам «Истиқлол» Теҳронда 3-ўриндаги «Персиполис»ни қабул қилди. Учрашувнинг 36-дақиқасида Рўзбеҳ Чашмий томонидан киритилган гол мезбонларга муҳим ғалабани тақдим этди – 1:0.

Жалолиддин Машарипов учрашувни асосий таркибда бошлади ва 77-дақиқада захирага олинди. 

Шу тариқа, «Истиқлол» 39 очко билан пешқадамликни давом эттирмоқда. «Персиполис» ҳисобида 31 очко мавжуд.

Эрон про лигаси. 18-тур
Истиқлол – Персиполис – 1:0
Гол: Рўзбеҳ Чашмий 36.