«Манчестер Юнайтед» ҳужумчиси Расмус Ҳойлунд жароҳат сабабли жамоасининг яқин орадаги ўйинларида майдонга туша олмайди.

Клуб расмий сайти хабарига кўра, даниялик ҳужумчи оёқ мушакларидан жароҳат олган. Клуб шифокорлари унинг 2-3 ҳафтагача сафдан чиқишини маълум қилган.

Эслатиб ўтамиз, Ҳойлунд АПЛнинг сўнгги 6та ўйинида майдонни голсиз тарк этмаётган эди. У «Лутон»га қарши сўнгги ўйинда дубли эвазига жамоасига ғалаба келтирганди.

Маълумот учун, «МЮ» шанба куни ўз майдонида «Фулҳэм»ни қабул қилади.