Хоселу кейинги мавсумда ҳам «Реал»да ўйнаши мумкин.

АS хабарига кўра, «Эспанол»дан ижарага олинган форвардни сотиб олиш масаласи деярли ҳал бўлган. Мадрид клуби 1,5 млн евро тўлаши керак.

Бу мавсумда 33 ёшли испан «Реал» сафида 14та гол урди ва 3та голга ассистентлик қилди. У ҳар 92 дақиқада гол урмоқда, бу кўрсаткич бўйича жамоада фақат Жуд Беллингҳэм (91 дақиқа) Хоселудан олдинда.