Бугун, 21 феврал оқшомида Чемпионлар лигаси нимчоракфинал дастлабки ўйинлари доирасидаги сўнгги икки учрашув бўлиб ўтади.
Италиянинг амалдаги чемпиони «Наполи» А Серияда 9-ўринга тушиб кетгач, «Барселона»га қарши ўйиндан уч кун аввал бош мураббий Валтер Маццарини истеъфога чиқарди. Каталония клубига қарши Чемпионлар лигаси баҳсида неаполликларни Франческо Кальцона майдонга бошлаб тушади.
Италиялик мураббий ўйин олдидан жамоа етакчиси Виктор Осимҳен жароҳатидан тикланиб сафга қайтгани, аммо унинг ўйиндаги иштироки ҳамон сўроқ остида эканини маълум қилган. Хавида ҳам таркибда йўқотишлар йўқ эмас. Жоау Фелишнинг майдонга тушиши сўроқ остида қолмоқда.
Португалияда ўтадиган баҳсда эса «Порту» «Арсенал»ни қабул қилади. Мезбонлар сўнгги уч ўйинда бор йўғи битта ғалабага эришган ва Португалия чемпионатида 3-ўринни эгаллаб турибди. Лондон клуби эса АПЛда кетма-кет 5 ўйинда 5 ғалабага эришиб, ажойиб спорт формасига кирган. Ушбу баҳсда «Порту» ҳужумчиси Меҳди Торемийнинг майдонга тушиши сўроқ остида турибди.
УЕФА расмий сайти чоршанба оқшомидаги ўйинлар олдидан жамоаларнинг тахминий таркибларини эълон қилди.
ЕЧЛ. 1/8 финал. Биринчи учрашув
21 феврал (чоршанба)
«Наполи» - «Барселона»
Ўйин бошланиш вақти: 01:00
ТВ-трансляция: «Sport»
«Наполи»: Мерет; Ди Лоренцо, Эстигор, Ррахмани, Маццокки; Замбо-Ангисса, Лоботка, Каюсте; Политано, Осимҳен, Кварацхелия
Ўйнамайди: йўқ
Сўроқ остида: Осимҳен
«Барселона»: тер Стеген; Кунде, Роналд Араухо, Иньиго Мартинес, Жоау Канселу; де Йонг, Кристенсен, Гундўған; Ямал, Левандовски, Педри
Ўйнамайди: Балде (жароҳат), Гави (тизза), Алонсо (бел), Ферран Торрес (сон)
Сўроқ остида: Жоау Феликс (жароҳат)
«Порту» - «Арсенал»
Ўйин бошланиш вақти: 01:00
ТВ-трансляция: «Foreign Language»
«Порту»: Диогу Кошта; Жоау Мариу, Пепе, Отавио, Венделл; Алан Варела, Нико Гонсалес; Галено, Пепе́, Франсишку Консейсау; Эванилсон
Ўйнамайди: Маркано (тизза), Зайду (тизза)
Сўроқ остида: Торемий (сон)
«Арсенал»: Райя; Уайт, Салиба, Габриэл, Кивиор; Эдегор, Райс, Ҳаверц; Сака, Троссар, Мартинелли
Ўйнамайди: Парти (сон), Тимбер (тизза), Зинченко (мушак шикастланиши)
Сўроқ остида: Жезус (тизза), Виейра (жароҳат), Томиясу (жароҳат).