«Лейпциг» спорт директори яримҳимоячи Хави Симонснинг ижара муддатини узайтириш қийинлиги ҳақида гапирди. 

«У мавсум охирида «ПСЖ»га қайтади, бу 18 ойлик ижара эмас. Келгуси мавсум учун янги ижара таклиф қилишимиз мумкин, лекин мен бу борада жуда оптимистик қарашда эмасман...

Симонснинг келажаги Мбаппе эртаги тугаганидан кейин «ПСЖ»нинг режаларига боғлиқ бўлади», — деди Рувен Шрёдер Sky Sports'га берган интервюсида.

Симонс бу мавсумда «буқалар» сафида 31та ўйинда майдонга тушиб, 17 очко (8+9) тўплади. 

Олдинроқ Мбаппе «Реал» билан оғзаки келишувга эришгани ҳақида маълумотлар пайдо бўлганди.